ខេត្តត្បូងឃ្មុំ ៖ លោកឧត្តមសេនីយ៍ត្រី ម៉ុន មាគ៌ា ស្នងការនគរបាលខេត្តត្បូងឃ្មុំ បេីកកិច្ចប្រជុំ ដេីម្បីបូកសរុបសភាពការណ៍ស្តីពីលទ្ធផលការអនុវត្តន៍ការងារនគរបាល ប្រចាំខែតុលា និងដាក់ទិសដៅបន្តចំនួន៨ចំណុចទៀតដេីម្បីទប់ សភាពការណ៍បច្ចុប្បន្ននៃស្នងការដ្ឋាននគរបាលខេត្តត្បូងឃ្មុំ ។
កិច្ចប្រជុំធ្វេីឡេីងនៅថ្ងៃអង្គារ ទី២៦ ខែតុលា ឆ្នាំ២០២១ វេលាម៉ោង០៨:០០នាទីព្រឹក ដោយមានការចូលរួមពីស្នងការរង នាយការិយាល័យ មេបញ្ជាការវរសេនាតូចនគរបាលការពារព្រំដែនទាំង០២ អធិការ អធិការរង នៃអធិការដ្ឋាននគរបាលក្រុង-ស្រុកទាំង០៧ និងលោកនាយប៉ុស្តិ៍នគរបាលរដ្ឋបាល ទាំង ៦៤ប៉ុស្តិ៍ ។
លោកឧត្តមសេនីយ៍ស្នងការ មានប្រសាសន៍ណែនាំឱ្យប្រធានអង្គភាពថ្នាក់ក្រោមដែលពាក់ព័ន្ធនីមួយៗ លើកឡើងអំពីចំណុចខ្លាំង ចំណុចខ្សោយ និងបញ្ហាប្រឈមរបស់ខ្លួន ដើម្បីដោះស្រាយជារួមកែសម្រួល និងដាក់ចេញនូវវិធានការថ្មីៗបន្ថែមទៀត ដូចតទៅៈ ១. ត្រូវពង្រឹងសមត្ថភាពមន្ត្រីអនុវត្តច្បាប់ ២.បង្កើនការយកចិត្តទុកដាក់វេនប្រចាំបញ្ជា ៣.ការគ្រប់គ្រងមុខសញ្ញាគ្រប់ប្រភេទ ៤.ចុះល្បាតត្រួតពិនិត្យ នៅតាមបណ្ដាភូមិសាស្ត្រងាយរងគ្រោះ បង្ការ ទប់ស្កាត់បទល្មើសនៅមូលដ្ឋាន ៥.បង្កើនការផ្សព្វផ្សាយស្តីអំពីភូមិ-ឃុំ-សង្កាត់ មានសុវត្ថិភាពទាំង៧ចំណុច ឱ្យបានកាន់តែច្រើនបន្ថែមទៀត ៦.ពង្រឹងការអនុវត្តការងារនគរបាល និងសហគមន៍ ៧.ជម្រុញការផ្តល់អត្តសញ្ញាណប័ណ្ណសញ្ជាតិខ្មែរគំរូថ្មី ការផ្តល់សេវាចាំបាច់ សេវាតម្រូវការជូនប្រជាពលរដ្ឋ និង៨.បន្តចូលរួមអនុវត្ត វិធានការរបស់ក្រសួងសុខាភិបាល និងវិធានការ ៣ការពារ ៣កុំ របស់រាជរដ្ឋាភិបាល ។
លោកឧត្តមសេនីយ៍ស្នងការ ឱ្យមន្ត្រីនគរបាលគ្រប់អង្គភាព ចំណុះស្នងការដ្ឋាននគរបាលខេត្តត្បូងឃ្មុំ ត្រូវបន្តខិតខំប្រឹងប្រែង យកចិត្តទុកដាក់ ថែរក្សា សន្តិសុខ សុវត្ថិភាព សណ្តាប់ធ្នាប់សាធារណៈ ផ្តល់សេវាសាធារណៈ ឱ្យបានការតែល្អប្រសើរ ជូនដល់បងប្អូនប្រជាពលរដ្ឋយើង បន្តបង្កើនចំណង់សាមគ្គីភាព ទាំងក្នុងអង្គភាព និងមជ្ឈដ្ឋានខាងក្រៅ ៕,វណ្ណៈ
No comments:
Post a Comment