ខេត្តត្បូងឃ្មុំ ៖ ល្បែងស៊ីសងដែលអ្នកញៀនឈ្លក់និយមលេងរហូតភ្លេចបាយភ្លេចទឹក ភ្លេចក្រុមគ្រូសារមួយកន្លែង ស្ថិតនៅភូមិអំពិលត្បូង ឃុំអំពិលតាពក ស្រុកអូររាំងឪ ខេត្តត្បូងឃ្មុំ ត្រូវបានសមត្ថកិច្ចនៃអធិការដ្ឋាននគរបាលស្រុកអូររាំងឪ ចុះបង្ក្រាប និងឃាត់មនុស្ស៤នាក់យកមកធ្វេីកិច្ចសន្យាអប់រំណែនាំ កាលពីថ្ងៃទី១៥ ខែ តុលា ឆ្នាំ២០២១ វេលាម៉ោង១៤និង០០នាទី ។
លោកវរសេនីយ៍ទោ វង្ស សុភី អធិការនគរបាលស្រុកអូររាំងឪដែលដឹកនាំកម្លាំង បង្ក្រាបបានអោយដឹងថា កម្លាំងលោកបានចុះបំពេញភារកិច្ចការពារសុវត្ថិភាព សណ្តាប់ធ្នាប់ក្នុងមូលដ្ឋានជូនប្រជាពល រដ្ឋ ខណ:ពេលកំពុងល្បាតចល័តតាមភូមិសាស្រ្ត ឃេីញមនុស្សមួយក្រុម ប្រមូលផ្តុំគ្នាលេងល្បែងស៊ីសងជល់មាន់) នៅចំណុចផ្ទះឈ្មោះ កាយ ភេទប្រុស អាយុ៥២ឆ្នាំ នៅភូមិអំពិលត្បូង ឃុំអំពិលតាពក ស្រុកអូររាំងឪ ខេត្តត្បូងឃ្មុំ ។
លោកបន្តថា កម្លាំងលោកបានព័ទ្ធចាប់ឃាត់ខ្លួនមនុស្ស៤នាក់ នាំយកមកស្នាក់ការ ដោយបានធ្វើកិច្ចសន្យាអប់រំណែនាំអោយបញ្ឈប់លេង និងត្រឡប់ទៅផ្ទះវិញ។ ដោយឡែក ឧបករណ៍បម្រើអោយបទល្មេីសរួមមាន៖រថយន្ត១គ្រឿងម៉ូត៣គ្រឿង និងមាន់ចំនួន៤ក្បាល ៕,វណ្ណៈ
No comments:
Post a Comment