យោងតាមរបាយការណ៍របស់សាលាខេត្តកំពង់ចាមបានឱ្យដឹងថា យុទ្ធនាការនៃការចាក់វ៉ាក់សាំងការពារជំងឺកូវីដ១៩ ក្នុងក្របខ័ណ្ឌក្នុងខេត្តកំពង់ចាមគិតមកដល់ត្រឹមថ្ងៃសុក្រ៤កើតខែភទ្របទ ឆ្នាំឆ្លូវត្រីស័ក ព.ស ២៥៦៥ត្រូវនឹងថ្ងៃទី ១០ខែកញ្ញា ឆ្នាំ២០២១នេះ មន្រ្ដីរាជការ និងកម្លាំងប្រដាប់អាវុធ ប្រជាពលរដ្ឋដែលមានអយុចាប់ពីអាយុ១២ឆ្នាំឡើងក្នុងខេត្តកំពង់ចាមចំនួន ៦៧២ ១៥១នាក់បានទទួលវ៉ាក់សាំងការពារជំងឺកូវីដ១៩គឺបានជាង៨២,៨០ភាគរយនៅតែប្រមាណតែជាង១៧ភាគរយប៉ុណ្ណោះនៃចំនួនប្រជាពលរដ្ឋក្នុងខេត្តដែលមានប្រជាពលរដ្ឋសរុប៨១២ ១៣២នាក់។
ការបិទបញ្ចប់យុទ្ធនាការចាក់វាក់សាំងកូដ-១៩ នៅទូទាំងខេត្តកំពង់ចាមនិងការបើកទីតាំងអចិន្ត្រៃយ៍ចាក់វាក់សាំងកូវីដ-១៩ នៅតាមមន្ទីរពេទ្យបង្អែកទាំង០៩កន្លងក្នុងខេត្តកំពង់ចាម ចាប់ពីថ្ងៃទី១៩ខែកញ្ញាឆ្នាំ២០២១។
រដ្ឋបាលខេត្តកំពង់ចាមសូមអំពាវនាវដល់បងប្អូនប្រជាពលរដ្ឋដែលមិនទាន់បានចាក់វ៉ាក់សាំងកូវីដ-១៩ និងអ្នកមានបញ្ហាសុខភាព រួសរាន់មកពិភាក្សាជាមួយគ្រូពេទ្យជំនាញដើម្បីទទួលយកការចាក់វ៉ាក់សាំងកូវីដ-១៩ ដោយស្ម័គ្រចិត្ត និងឥតគិតថ្លៃនៅតាមមន្ទីរពេទ្យបង្អែកទាំង០៩ ក្នុងគោលដៅចូលរួមជាមួយរាជរដ្ឋាភិបាលកម្ពុជាក្នុងការប្រយុទ្ធនឹងជំងឺកូវីដ-១៩ តាមរយៈការចាក់វ៉ាក់សាំងកូវីដ-១៩ ដើម្បីបង្កើតភាពស៊ាំ ទប់ទល់នឹងការឆ្លងរីករាលដាលនៃជំងឺកូវីដ-១៩ នៅក្នុងសហគមន៍។
ចាប់ពីថ្ងៃ១២កញ្ញាឆ្នាំ២០២១នេះទៅរដ្ឋបាលខេត្តនិងធ្វើការចាក់វ៉ាក់សាំងកូវីដ-១៩ ដូសទី៣ ឬដូសជំរុញជូនដល់ថ្នាក់ដឹកនាំនៃរដ្ឋបាលខេត្តកំពង់ចាម ៕ដោយ ឆាយ ម៉ុត
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWk2QWc9PSIsImV4cCI6bnVsbCwicHVyIjoiYmxvYl9pZCJ9fQ==--7d6b73caa739e5c15af078a304d1d96618cad17a/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lOTVRNMU1IZzVNREFHT2daRlZBPT0iLCJleHAiOm51bGwsInB1ciI6InZhcmlhdGlvbiJ9fQ==--30b79c7f7567bd0a04d6c485cf8a2bbc24e21d2f/photo_2021-09-11_15-25-39.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNW02QWc9PSIsImV4cCI6bnVsbCwicHVyIjoiYmxvYl9pZCJ9fQ==--429041b1857cbeb00858b44a84bbd6755b2ad039/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-09-11_15-25-40.jpg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNWU2QWc9PSIsImV4cCI6bnVsbCwicHVyIjoiYmxvYl9pZCJ9fQ==--49cda941d03cd1d06339e38289d26559a07f06b8/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/photo_2021-09-11_15-25-41.jpg)
No comments:
Post a Comment