លោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម ចុះត្រួតពិនិត្យកំលាំងបន្ទាប់ពីបែងចែកដាក់តាមបណ្ដាគោលដៅនានា

ខេត្តកំពង់ចាម ៖ នៅរសៀលថ្ងៃទី២២ ខែវិច្ឆិកា ឆ្នាំ២០២១នេះ លោកឧត្ដមសេនីយ៍ទោ ឯម កុសល ស្នងការនគរបាលខេត្តកំពង់ចាម ចុះត្រួតពិនិត្យកំលាំងបន្ទាប់ពីបែងចែកដាក់តាមបណ្ដាគោលដៅ បណ្ដាដងផ្លូវពាក់ព័ន្ធនានា និងទីតាំងបរិវេណដែលត្រៀមរៀបចំពិធីសម្ភោធដាក់ឲ្យប្រេីប្រាស់ ស្ពានមិត្តភាព ចិន-កម្ពុជា ស្ទឹងត្រង់-ក្រូចឆ្មារ នៅព្រឹកថ្ងៃស្អែកនេះ ។

លោកឧត្តមសេនីយ៍ទោ ឯម កុសល បានអោយដឹងថា គោលដៅដែលត្រូវពិនិត្យដូចខាងក្រោមនេះ ៖

*១-ស្រុកស្ទឹងត្រង់*

*+ត្រួតពិនិត្យទីតាំងបរិវេណដែលត្រៀមរៀបចំពិធីសម្ភោធដាក់ឲ្យប្រេីប្រាស់ ស្ពានមិត្តភាព ចិន-កម្ពុជា ស្ទឹងត្រង់-ក្រូចឆ្មារ ស្ថិតនៅក្នុងភូមិបឹងដែង ឃុំព្រែកកក់ ស្រុកស្ទឹងត្រង់*

*+ត្រួតពិនិត្យអាគារអធិការដ្ឋាន ដែលបានរៀបចំជួសជុលកែលម្អ សោភ័ណភាពអាគារតាមផ្នែកជំនាញនីមួយៗ នៃអធិការដ្ឋាននគរបាលស្រុកស្ទឹងត្រង់*

*២-ស្រុកចំការលេី*

*+ត្រួតពិនិត្យ ប៉ុស្តិ៍នគរបាលរដ្ឋបាលជ័យយោ *

*+ប៉ុស្តិ៍នគរបាលរដ្ឋបាលស្ពឺ*

*បានណែនាំ និងពង្រឹងនីតិវិធី នៃការអនុវត្តលេីការងារជំនាញ ការគ្រប់គ្រងឯកសារ និងលើការងារដ្ឋបាលទូទៅ ព្រមទាំងការរៀបចំសោភ័ណភាពប៉ុស្តិ៍* ។

*៣-ស្រុកជើងព្រៃ*

*+ត្រួតពិនិត្យអាគារអធិការដ្ឋាន ដែលបានរៀបចំជួសជុលកែលម្អ នៃអធិការដ្ឋាននគរបាលស្រុកជេីងព្រៃ*

ក្នុងឱកាសនោះដែរ លោកបាននាំយកអំណោយដ៍ថ្លៃថ្លារបស់ លោក នាយឧត្តមសេនីយ៍ សន្តិបណ្ឌិត អគ្គស្នងការនគរបាលជាតិ នូវថវិកាឧបត្ថមដល់កងកម្លាំងតាមបណ្ដាគោល សរុបថវិកាចំណាយទាំងអស់ចំនួន ៨,៨៩០,០០០ រៀល ៕,វណ្ណៈ