អំណោយអាវចំនួន១៦០០អាវដែលជាអំណោយលោក មាស សុភា ប្រគល់ជូនរដ្ឋបាលខេត្តព្រះវិហារ

 

ខេត្ត ព្រះវិហារ  ៖  នៅរសៀលថ្ងៃទី១០ ខែធ្នូ ឆ្នាំ២០២១នេះ  លោក ប្រាក់  សុវណ្ណ អភិបាលខេត្តព្រះវិហារ បានទទួលអំណោយពីលោក ឈឿន មុនី អនុ ប្រធានថ្នាក់កណ្តាលក្រុមការងារចុះជួយ មូលដ្ឋានខេត្តព្រះវិហារ ដែលជាអំណោយ លោក  មាស  សុភា ទេស រដ្ឋមន្រ្តីប្រធាន ក្រុមការងាររាជរដ្ឋាភិបាលចុះមូលដ្ឋានខេត្តព្រះវិហារ និងលោកស្រី  ។ 

 ពិធីនេះប្រព្រឹត្តទៅក្នុង គេហដ្ឋានអភិ បាលខេត្ត ស្ថិតនៅក្នុងភូមិកណ្ដាល សង្កាត់ កំពង់ប្រណាក ក្រុងព្រះវិហារ  និងមានការអញ្ជើញចូលរួមពីសំណាក់ អភិបាលរងខេត្ត នាយករដ្ឋបាល ស្នងការរង ប្រធាន អនុប្រធានមន្ទីរ ជាច្រើនរូប។

  ក្នុងឱកាសនោះ លោក ឈឿន មុនី បាននាំយកពាក្យផ្ដាំផ្ញើសាកសួរសុខទុក្ខ ពីសំណាក់លោក មាស សុភា ជូនដល់ថ្នាក់ដឹកនាំក៏ដូចជាប្រជាពលរដ្ឋទូទាំងខេត្តព្រះវិហារ ។  លោកបានណែនាំក្នុងរដូវរងានេះថា  សូមបងប្អូនថែរក្សាសុខភាព អនាម័យឲ្យបានខ្ជប់ខ្ជួន ពាក់អាវក្រាសៗ ព្រោះរដូវរងាអាចធ្វើឲ្យមានជំងឺដូចជាជំងឺផ្ដាសសាយ ផ្ដាសសាយធំជាដើម ត្រូវចូលរួមអនុវត្ត ៣កុំ ៣ការពារឲ្យបានទៀតទាត់និងគ្រប់ពេលវេលា។ 

ឆ្លើយ តបនឹងអំណោយដ៏សប្បុរសនេះ 

លោក  ប្រាក់ សុវណ្ណ បានថ្លែងអំណរអគុណយ៉ាងជ្រាលជ្រៅដល់លោកអនុប្រធានក្រុមការចុះជួយខេត្ត ពិសេស ចំពោះ លោកទេសរដ្ឋមន្ត្រីដែលនាំយកអំណោយ សម្ភារៈដូចជាអាវ១៦០០ ផ្ដល់ជូនរដ្ឋបាលខេត្តនាពេលនេះ។ 

លោក  សុវណ្ណ  បានបន្ថែមទៀតថា  ទាំង នេះ សបញ្ជាក់ឲ្យឃើញពីការយកចិត្តទុកដាក់ ចូលរួមអំពីក្ដីកង្វល់របស់ប្រមុខ រាជរដ្ឋាភិបាល ថ្នាក់ដឹកនាំ ក៏ដូចជារដ្ឋបាលខេត្ត ។ លោកថា  អាវទាំងនេះពិតជាមានសារៈ សំខាន់ខ្លាំងណាស់ សម្រាប់សម្រួលដល់រដ្ឋបាលខេត្ត ដើម្បីផ្ដល់ជូនបងប្អូនប្រជាពលរដ្ឋក្រីក្រ  ដែល  កំពុងខ្វះខាត គ្មានទីពឹង នៅតាមបណ្ដាក្រុង/ស្រុក ក្នុងខេត្តព្រះវិហារ នារដូវរងានេះ  ៕ក្រសាំង