លោក នួន ពុទ្ធារ៉ា អភិបាលក្រុង សៀមរាប បានឱ្យដឹងនៅរសៀលថ្ងៃទី១១ ខែកញ្ញា ឆ្នាំ២០២១នេះថា រដ្ឋបាលខេត្តសៀមរាប សម្រេចបិទខ្ទប់ទីតាំងភូមិសាស្ត្រក្រុងសៀមរាប ទាំងមូលជាបណ្តោះអាសន្ន រយៈពេល១សប្តាហ៍ គិតចាប់ពីថ្ងៃទី១១ ខែកញ្ញា ឆ្នាំ២០២១នេះតទៅ។លោកបន្តថា ដោយសារ រយៈពេលប៉ុន្មានថ្ងៃចុងក្រោយនេះ ខេត្តសៀមរាបហាក់មានសភាពកើនឡើងនូវការឆ្លងរីករាលដាលជំងឺកូវីដ១៩ តាមរយៈការពិនិត្យវាយតម្លៃឃើញថា ទីតាំងដែលជាហានិភ័យប្រឈមខ្លាំងនឹងការចម្លងជំងឺកូវីដ១៩ គឺនៅតាមបណ្តាផ្សារ និងទីកន្លែងជួបជុំមួយចំនួនដែល មិនចាំបាច់។
លោកបន្តទៀតថា ក្រុមការងារ នៅតាមសង្កាត់ទាំង១២ ក្នុងក្រុងសៀមរាប បានត្រៀមខ្លួនរួចជាស្រេច ក្នុងការអនុវត្តន៍បទបញ្ជារបស់រដ្ឋបាលខេត្ត និងបានផ្សព្វផ្សាយជូនប្រជាពលរដ្ឋ និងម្ចាស់ទីតាំងអាជីវកម្មមួយចំនួនឱ្យបានដឹង និងចូលរួមតាមសេចក្តីសម្រេចខាងលើ ដើម្បីទប់ស្កាត់ការឆ្លងរីករាលដាល ជំងឺកូវីដ១៩។
ព្រឹកម៉ិញឯកឧត្តមអភិ បាលលោកដឹកនាំកិច្ចប្រជុំផ្ទាល់ស្តីពីស្ថានភាពនៅក្នុងខេត្តយើង ឯកឧត្តមអភិបាលលោកសម្រេចបិទក្រុងសៀមរាប រយៈពេល១ សប្តាហ៍ ទី១គឺចង់បង្អាក់ការចលនា នានារបស់បងប្អូនប្រជាពលរដ្ឋ ដើម្បីកាត់បន្ថយហានិភ័យការឆ្លងរីករាលដាល ដែលប៉ុន្មានថ្ងៃមកនេះយើងសង្កេតឃើញថាមានសភាពកើន បន្តិច ជាពិសេសប្រភពជាហានិភ័យ មានផ្សារ កន្លែងប្រមូលផ្តុំ ធ្វេសប្រហែស អ៊ីចឹងលោកអភិបាលសម្រេចដាក់វិធានការបន្ទាន់ ដើម្បីការពារបងប្អូនប្រជាពលរដ្ឋ ទី២ទុកលទ្ធភាពដល់ក្រុមការងារយើងដើម្បីដោះស្រាយបញ្ហាចំពោះមុខឱ្យមានប្រសិទ្ធភាព ទីតាំងនានា ត្រូវបានរៀបចំ ដើម្បីត្រៀមបិទខ្ទប់ហើយ អាជ្ញាធរទាំង១២សង្កាត់ បានចាប់ផ្តើមដំណើរការ តាំងពីថ្ងៃមក ដើម្បីផ្សព្វផ្សាយដល់បងប្អូនប្រជាពលរដ្ឋឱ្យបានយល់ដឹង។
សូមជម្រាបផងដែរថា យោងតាមទំព័រហ្វេសប៊ុក ឯកឧត្តមទៀ សីហា អភិបាលខេត្តសៀមរាប បានឱ្យដឹងថា ដោយសារស្ថាន ភាពកូវីដ-១៩ ក្នុងខេត្តសៀមរាប កាន់តែធ្ងន់ធ្ងរក្នុងរយៈពេលប៉ុន្មានថ្ងៃចុងក្រោយនេះ អាជ្ញាធរខេត្តពិតជាមិនចង់ដាក់ចេញនូវវិធានការដើម្បីទប់ស្កាត់ការរីករាលដាលនោះទេ តែដោយហេតុថាបងប្អូនប្រជាពលរដ្ឋ អាជីវករ មួយចំនួននៅតែមិនអនុវត្តវិធានរបស់សុខាភិបាលឱ្យបានខ្ជាប់ខ្ជួន ទើបរដ្ឋបាលខេត្ត បានសម្រេចដាក់ចេញ៖ បម្រាមគោចរ, កំណត់តំបន់លឿងទុំ និងអនុវត្តការផាកពិន័យទៅលើបងប្អូនប្រជាពលរដ្ឋនៅតាមទីសាធារណៈ។
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNXU2QWc9PSIsImV4cCI6bnVsbCwicHVyIjoiYmxvYl9pZCJ9fQ==--854a576c5cf601f3059e2fb48496140ebbd11bb5/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/F8FE95C9-5619-4B5A-B575-BF98903.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNXE2QWc9PSIsImV4cCI6bnVsbCwicHVyIjoiYmxvYl9pZCJ9fQ==--903321d4caa27329c016f69dc70f87390df40a89/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/17795636-4F2F-41F3-894B-D0571F9.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNTI2QWc9PSIsImV4cCI6bnVsbCwicHVyIjoiYmxvYl9pZCJ9fQ==--c8c4e64cf4e2f5252f5983974923a89bd730a5f1/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/913BF6CB-12C4-4721-B5B8-7FCF852.jpeg)
![](https://static.information.gov.kh/rails/active_storage/representations/eyJfcmFpbHMiOnsibWVzc2FnZSI6IkJBaHBBNXk2QWc9PSIsImV4cCI6bnVsbCwicHVyIjoiYmxvYl9pZCJ9fQ==--5c5e3a77e87ba4549787de92ac6017c4b0326358/eyJfcmFpbHMiOnsibWVzc2FnZSI6IkJBaDdCam9MY21WemFYcGxTU0lNT1RBd2VEWXdNQVk2QmtWVSIsImV4cCI6bnVsbCwicHVyIjoidmFyaWF0aW9uIn19--70cbddbba2e46c7ca8ac0c1f8b8316d88752e16d/D6AEA8CD-8E24-4059-BB68-02739B9.jpeg)
No comments:
Post a Comment