ក្រចេះ: នៅថ្ងៃទី២៧.១០.២០២១ ចន្លោះម៉ោង២២ មានករណីហិង្សាដោយចេតនា(ស្ថានទម្ងន់ទោស) កេីតឡេីងនៅចំណុចហាងរបស់ឈ្មោះ ទេព ហ៊ុយ ស្ថិតក្នុងភូមិត្រពាំងព្រីង សង្កាត់ក្រចេះ ក្រុងក្រចេះ ខេត្តក្រចេះ។
-ជនរងគ្រោះទី១: ឈ្មោះ ត្រេក ធារ៉ា ភេទស្រី អាយុ ១២ឆ្នាំ រស់នៅភូមិកញ្ជរ ឃុំកញ្ជរ ស្រុកឆ្លូង ខេត្តក្រចេះ។
-ជនរងគ្រោះទី២: ឈ្មោះ វ៉ន ពិសី ភេទស្រី អាយុ ១២ឆ្នាំ រស់នៅភូមិកញ្ជរ ឃុំកញ្ជរ ស្រុកឆ្លូង ខេត្តក្រចេះ។
-ជនសង្ស័យឈ្មោះ ទេព ហ៊ុយ ភេទប្រុស អាយុ ៤២ឆ្នាំ(មន្ត្រីកងរាជអាវុធហត្ថ) រស់នៅភូមិវត្ត សង្កាត់ក្រចេះ ក្រុងក្រចេះ ខេត្តក្រចេះ។
»» អំពីរឿងហេតុ ÷
កាលពីអំឡុងខែឧសភា និងខែតុលា ឆ្នាំ២០២១ អាណាព្យាបាលរបស់ឈ្មោះ ត្រេក ធារ៉ា និងឈ្មោះ វ៉ន ពិសី បានអោយកូនស្រីរបស់ខ្លួនមកធ្វេីការស៊ីឈ្នួលបម្រេីនៅផ្ទះរបស់ឈ្មោះ ទេព ហ៊ុយ និងទទួលបានប្រាក់ខែក្នុងម្នាក់ចំនួន១០០$។ នៅថ្ងៃទី២៣.១០.២០២១ ម៉ោងជាង៩ព្រឹក ឈ្មោះ វ៉ន ពិសី មានការតូចចិត្តម្ចាស់ផ្ទះស្តីបន្ទោសក៏បានយកសត្វឆ្កែរបស់ម្ចាស់ផ្ទះចំនួន០១ក្បាលទៅច្រមុជក្នុងទឹកអោយងាប់ និងលាក់បាំងមិនអោយម្ចាស់ផ្ទះដឹងឡេីយ។ បន្ទាប់មកនៅថ្ងៃទី២៧ ខែ.ឆ្នាំដដែល ចន្លោះម៉ោង២២ ឈ្មោះ ទេព ហ៊ុយ និងកូនចៅខ្លួន(មន្ត្រីកងរាជអាវុធហត្ថ)បានដឹងពីការពិតក៏បានប្រេីហិង្សាវាយទាត់ធាក់លេីឈ្មោះ ត្រេក ធារ៉ា និងឈ្មោះ វ៉ន ពិសី និងយកកៅអីជ័រវាយលេីឈ្មោះ វ៉ន ពិសី និងយកលាមកសត្វឆ្កែអោយឈ្មោះ វ៉ន ពិីសី ស៊ីថែមទៀតផង។ នៅថ្ងៃទី២៨ ខែ.ឆ្នាំដដែល ម៉ោងជាង៨ព្រឹក អាណាព្យាបាលរបស់ជនរងគ្រោះទាំង២នាក់បានមកជួបឈ្មោះ ទេព ហ៊ុយ និងត្រូវបានឈ្មោះ ទេព ហ៊ុយ គំរាមកំហែងអោយធ្វេីកិច្ចសន្យាសងប្រាក់ជំនួសកូនរបស់ខ្លួនក្នុងម្នាក់ចំនួន១០០$ក្នុង១ខែគឺសងរយៈពេល៣ឆ្នាំ ដោយសារពួកគាត់មានការភ័យខ្លាចក៏យល់ព្រមផ្តិតស្នាមមេដៃ និងមិនបានអានខ្លឹមសារកិច្ចសន្យានោះឡេីយ។ នៅវេលាម៉ោង១៥ ថ្ងៃ.ខែ.ឆ្នាំដដែល ទេីបអាណាព្យាបាលរបស់ជនរងគ្រោះបានមកប្តឹងរាយការណ៍ជូនសមត្ថកិច្ច ចំណែកជនរងគ្រោះត្រូវបានយកទៅសង្គ្រោះនៅមន្ទីរពេទ្យបង្អែកខេត្តក្រចេះ។
បច្ចុប្បន្នសមត្ថកិច្ចកំពុងធ្វេីការស្រាវជ្រាវ និងស្វែងរកមុខសញ្ញាសង្ស័យ ដេីម្បីបំពេញនីតិវិធី និងអនុវត្តតាមផ្លូវច្បាប់។
No comments:
Post a Comment