អ្នកកាសែត ៣ នាក់ រួមទាំងអ្នកថតរូប Fox News ត្រូវបានសម្លាប់នៅអ៊ុយក្រែន!
យោងតាមរបាយការណ៍បានឲ្យដឹងថា លោក Pierre Zakrzewski និងលោកស្រី Oleksandra Sasha Kuvshynova ជាអ្នកការសែត Fox News ត្រូវបានសម្លាប់ បន្ទាប់ពីរថយន្តរបស់ពួកគេរងការវាយប្រហារនៅខាងក្រៅរដ្ឋធានី គៀវ នៅសប្ដាហ៍នេះ ។
របាយការណ៍ដដែល បាននិយាយថា ពួកគេ បានធ្វើដំណើរក្នុងទីក្រុង Horenka រួមជាមួយបុគ្គលិកព័ត៌មាន Fox News ម្នាក់ទៀតឈ្មោះ Benjamin Hall ដែលត្រូវរបួសធ្ងន់ធ្ងរ។
គួររំលឹកថា កាលពីថ្ងៃអាទិត្យកន្លងទៅ អ្នកកាសែតជនជាតិអាមេរិកាំងលោក Brent Renaud ក៏ត្រូវបានសម្លាប់ នៅពេលកងកម្លាំងរុស្ស៊ី បើកការបាញ់ប្រហារទៅលើរថយន្តរបស់លោកក្នុងទីក្រុង Irpin ប្រទេសអ៊ុយក្រែន។
យ៉ាងណាមិញ ចំពោះការស្លាប់របស់អ្នកកាសែតទាំង ៣ នេះ បានគូសបញ្ជាក់ពីគ្រោះថ្នាក់ដែលត្រូវប្រឈមនឹងសង្រ្គាមឈ្លានពានរបស់រស្ស៊ីក្នុងប្រទេសអ៊ុយក្រែន៕
No comments:
Post a Comment