គ្រោះរអិលបាក់ដីបានកប់ផ្ទះ ៦០ ខ្នងនៅប្រទេសប៉េរូ!
អាជ្ញាធរបាននិយាយ កាលពីថ្ងៃអង្គារថា យ៉ាងហោចណាស់ផ្ទះ ៦០ ខ្នងដែលមានមនុស្សនៅខាងក្នុង ត្រូវបានកប់ដី បន្ទាប់ពីការរអិលបាក់ដីជម្រាលភ្នំដែលបណ្តាលមកពីភ្លៀងធ្លាក់ខ្លាំងនៅក្នុងតំបន់នេះ បានកប់ផ្ទះជាច្រើននៅម៉ោង 8:30 ព្រឹកម៉ោងក្នុងស្រុកនៅក្នុងភូមិ Andean នៃ Retamas ក្នុងតំបន់ La Libertad ភាគខាងជើងប្រទេសប៉េរូ។
គួរជម្រាបថា ឧប្បត្តិហេតុនេះ បានកើតឡើងនៅក្នុងតំបន់មួយដែលក្រុមហ៊ុន Consorcio Minero Horizonte កំពុងធ្វើសកម្មភាពរុករករ៉ែ។
ប៉ុន្តែទោះជាយ៉ាងណា យោងតាមក្រុមហ៊ុន ការរអិលបាក់ដីនេះមិនទាក់ទងនឹងសកម្មភាពរុករករ៉ែដែលខ្លួនធ្វើនោះទេ ប៉ុន្តែជាលទ្ធផលនៃភ្លៀងធ្លាក់ខ្លាំង នៅក្នុងតំបន់ដែលបានបណ្តាលឱ្យមានការរអិលបាក់ដីដូចគ្នាកាលពីថ្ងៃមុន។
ប្រធានាធិបតីប៉េរូ លោក Pedro Castillo បាននិយាយថា អាជ្ញាធរកំពុងសម្របសម្រួលសកម្មភាព ដើម្បីដោះស្រាយភាពអាសន្ននេះ។ រដ្ឋាភិបាលនឹងផ្តល់ជំនួយចាំបាច់ទាំងអស់ដល់គ្រួសារដែលរងផលប៉ះពាល់ផងដែរ៕
No comments:
Post a Comment