ខេត្តត្បូងឃ្មុំ ៖ ម៉ូតូចម្រុះគ្រប់ប្រភេទគ្មានពន្ធនាំចូល ហេីយបានដាក់តាំងលក់នៅតាមផ្ទះចំនួន២៦កន្លែង ស្ថិតនៅផ្សារមេមត់ ឃុំមេមត់ ស្រុកមេមត់ ខេត្តត្បូងឃ្មុំ នៃប្រទេសកម្ពុជា ត្រូវបានគយចល័តតំបន់៦ចាប់រក្សាទុកចំនួន៩៨គ្រឿង ដេីម្បីអោយម្ចាស់ចូលខ្លួនបង់ពន្ធតាមច្បាប់កំណត់ ។
ការបង្ក្រាបប្រេីប្រាស់កម្លាំងចម្រុះ ដឹកនាំដោយលោក ព្រាប គារ៉ាត់ មេគយចល័តតំបន់៦ ធ្វើឡេីងនៅព្រឹកថ្ងៃទី២២ ខែតុលា ឆ្នាំ២០២១នេះ ។ ដែលការបង្ក្រាបប្រេីរបៀបឆ្មក់ ចុះចាប់ម៉ូតូគ្មានពន្ធនាំចូលកំពុងដាក់តាំងលក់នៅតាមផ្ទះចំនួន២៦កន្លែង ស្ថិតនៅផ្សារមេមត់ ឃុំមេមត់ ស្រុកមេមត់ ខេត្តត្បូងឃ្មុំ ។ ជាលទ្ធផលចាប់បានម៉ូតូចម្រុះគ្រប់ប្រភេទចំនួន៩៨គ្រឿង ។
បច្ចុប្បន្នម៉ូតូទាំង៨៩គ្រឿងនេះ ត្រូវបានកម្លាំងគយចល័តដឹកជញ្ជូនយកទៅរកទុកនៅកន្លែងឈរជើង បណ្តោះអាសន្ន ផ្លូវជាតិលេខ៧ ឃុំក្រែក ស្រុកពញាក្រែក ដើម្បីអនុវត្តតាមនីតិវិធីគយ និងរដ្ឋាករ ។
មានមតិលេីកឡេីងថា វត្តមានម៉ូតូអត់ពន្ធ នៅពាសពេញផ្ទៃប្រទេសបែបដូច្នេះ គឺមិនត្រឹមតែបង្ហាញនូវការមិនស្មើភាពគ្នានៅក្នុងសង្គមទេ ថែមទាំងធ្វើឲ្យបាត់បង់ចំណូលពន្ធរបស់រដ្ឋយ៉ាងសន្ធឹកសន្ធាប់ទៀតផង។ការតម្រូវឲ្យម្ចាស់ម៉ូតូចម្រុះ អត់ពន្ធចូលទៅបង់ពន្ធគួរត្រូវធ្វើឡើងដោយគោរពតាមគោលការណ៍ច្បាប់ជាក់លាក់ ៕,វណ្ណៈ
No comments:
Post a Comment