ភ្នំពេញ ៖ ជនជាតិកូរ៉េម្នាក់បានស្លាប់ក្នុងផ្ទះមិនដឹងពីពេលណាមកហើយ រហូតមានធំក្លិនស្អុយសាយភាយចេញមកខាងក្រៅ ទើបដឹងដល់អាជ្ញាធរចុះពិនិត្យ ហើយបង្កការភ្ញាក់ផ្អើល។
ប្រភពពីកន្លែងកើតហេតុបានឱ្យដឹងថា មានក្លិនស្អុយសាយភាយចេញពីក្នុងផ្ទះមួយនៅបុរីពិភពថ្មីផ្លូវលេខ១១ ភូមិសំបួរខណ្ឌដង្កោ កាលពីថ្ងៃទី៨ ខែមីនាឆ្នាំ២០២២។មុនធំក្លិនស្អុយ ដែលសង្ស័យមានមនុស្សស្លាប់ព្រោះបាត់បុរសម្នាក់ដែលរស់នៅទីនោះមិនឃើញចេញចូលជាច្រើនថ្ងៃមកហើយ។សមត្ថកិច្ចបានចុះមកពិនិត្យក៏ឃើញបុរសជនជាតិកូរ៉េម្នាក់ស្លាប់នៅក្នុងផ្ទះនេះ។
ជំនាញបានពិនិត្យសាកសពរួចរាល់បញ្ជាក់ថា សាកសពបុរសជនជាតិកូរ៉េ បានស្លាប់រយៈពេល៥ថ្ងៃមកហើយ ដោយរូបគាត់មានជំងឺប្រចាំកាយ និងរស់នៅក្នុងផ្ទះនៅតែម្នាក់ឯង ហើយបានស្លាប់គ្មានអ្នកដឹងទេ។ បន្ទាប់ពីពិនិត្យរួច សមត្ថកិច្ចបានធ្វើកំណត់ហេតុ ប្រគល់សពឱ្យទៅខាងស្ថានទូតកូរ៉េ៕
No comments:
Post a Comment